其實咁樣諗係好錯好錯，因為絕育手術只是一項小手術，幾乎99%安全。正個手術都在貓貓麻醉的情況下進行，所以貓貓是不會覺痛的。

由於貓仔的手術於體外進行，所以只須休息大半天，就能回復正常。

至於貓女，由於要將貓女的子宮及卵巢取出，傷口比貓仔較大，所以縫合傷口後須休息三數天，之後便能康復。一星期後拆線，便能完全回復正常。

咁你又錯啦，因為已經有醫學研究顯示，已絕育的貓貓一般比未絕育的貓貓健康，而且壽命亦較長，患嚴重病 (如乳癌) 的機會亦大大減少。

脾氣方面，已絕育的貓貓會變得更溫馴，而且貓女「叫春」和貓仔因「霸地盤」或求偶而到處撤尿的「惡習」亦會隨之而去。

唔係理唔到，係你唔去理啫! 帶佢去醫生到只須捉佢入籠，然後上車，到時候再接番佢就得啦!

如果你個隻係貓女，有冇諗過有日佢大咗肚番黎會點?? 嫌麻煩掉佢出街?? 等佢生咗先算?? 貓女一年可生4胎，一胎可以有成 6、7隻貓bb，咁你又送得幾多隻俾人?? 冇人要又掉佢地出街?? 貓貓多年被人飼養，若遺棄牠們，牠們己不懂保護自己、不懂如何覓食、不懂分辨危險或安全，每天顛沛流離地面對各種各樣的生命威脅，例如：被汽車輾斃、被街童毒打、身染頑疾……等等。佢地都係生命，你咁做同殺人兇手有何分別?!

再提醒你，遺棄動物亦屬違法行為，最高可被判罰入獄六個月及罰款一萬元。

但係佢會到處留情，係出面有好多老婆，生到成街都係呢!!

貓女一年可生4胎，一胎可以有成 6、7隻貓bb，而一隻貓公就可以令3隻貓女懷孕，就算一胎中只有3、4隻貓bb可以長大，一隻貓公在一季發情，一輪播種就有10幾隻貓bb面世!!唔好咁自私啦，你隻貓可能係攪到街貓問題愈來愈嚴重的罪魁禍首!!!

好高興你會帶d貓去絕育，但係捉貓去絕育應該要「男女平等」，正如上面提及過，貓公的繁殖速度其實仲驚人過貓女，所以唔理係男係女，總之捉到佢地就帶佢地去絕育啦!

當然有啦! 其實你可以參加愛護動物協會 (SPCA) 的「貓隻領域護理計劃」(CCCP)，目的是希望透過先捕捉，後絕育，再釋放回原居地的方法去改善流浪貓的生活及健康，並希望藉著這個計劃穩定及逐漸減少香港流浪貓的數量。

你可以嘗將那些流浪貓送到SPCA，以優惠價錢替牠們作絕育手術，如有問題，SPCA的員工及其他護理員會提供意見或其他支援。部份友善的流浪貓更可以被安排等待暫養或領養。

我地亦認識一些參加了CCCP的義工，你亦可以聯絡我地，同你分享一下帶流浪貓絕育的經驗同心得!

貓女大約5個月大，貓仔6個月大到就可以嘅啦!